Support the largest ever research project (100 Volumes+) on the Seerah of Prophet Muhammad ﷺ.
Your support ensures that his message, mission and teachings reach billions of hearts across the world. Donate Now!

Encyclopedia of Muhammad

آپﷺ کا مادّہ تولید مبارک

Published on: 26-Dec-2023

(حوالہ: ڈاکٹر عمران خان، مفتی سیّد شاہ رفیع الدین ہمدانی ، علامہ محمد حسیب احمد، علامہ سعید اللہ خان، علامہ سیّدمحمد خالد محمود شامی،سیرۃ النبی ﷺ انسائیکلوپیڈیا، جلد-2، مقالہ: 61، مطبوعہ: سیرت ریسرچ سینٹر، کراچی، پاکستان، 2018ء، ص: 941-949)

اللہ تبارک وتعالیٰ نے اس دنیاکو انسان کے ذریعہ آباد فرمایا ہے جس کا ذریعہ توالد و تناسل ہے اورحضرت آدم sym-9سے ہی نسلِ انسانی کو پھیلایا ہے۔جیساکہ باری تبارک وتعالیٰ کا ارشاد مبارک ہے:

یاَیھا النَّاسُ اتَّقُوْا رَبَّكمُ الَّذِى خَلَقَكمْ مِّنْ نَّفْسٍ وَّاحِدَة وَّخَلَقَ مِنْھا زَوْجَھا وَبَثَّ مِنْھمَا رِجَالًا كثِیرًا وَّنِسَاۗءً وَاتَّقُوا اللّٰه الَّذِى تَسَاۗءَلُوْنَ بِه وَالْاَرْحَامَ اِنَّ اللّٰه كانَ عَلَیكمْ رَقِیبًا11
اے لوگو! اپنے رب سے ڈرو جس نے تمہاری پیدائش (کی ابتداء) ایک جان سے کی پھر اسی سے اس کا جوڑ پیدا فرمایا پھر ان دونوں میں سے بکثرت مردوں اور عورتوں (کی تخلیق) کو پھیلا دیا، اور ڈرو اس اللہ سے جس کے واسطے سے تم ایک دوسرے سے سوال کرتے ہو اور قرابتوں (میں بھی تقوٰی اختیار کرو)، بیشک اللہ تم پر نگہبان ہے۔

اس آیتِ مبارکہ سے معلوم ہوا کہ اس دنیا میں جتنے بھی مردو عورتیں ہیں وہ تمام کی تمام ایک ہی جان یعنی حضرت آدم sym-9 کی نسل سے ہیں۔

تخلیق کا جوہرِ اصلی

اس نسلِ انسانی کی تخلیق جس پانی سے ہوئی ہے اور جو اس تخلیق کا اصل الاصول جوہرہے اس کے بارے میں ذکرکرتے ہوئے قرآن مجید فرقان حمید یوں ارشاد فرماتا ہے:

اِنَّا خَلَقْنَا الْاِنْسَانَ مِنْ نُّطْفَة اَمْشَاجٍ نَّبْتَلِىه فَجَعَلْنٰه سَمِیعًۢا بَصِیرًا212
بے شک ہم نے انسان کو مخلوط نطفہ سے پیدا فرمایا جسے ہم (تولّد تک ایک مرحلہ سے دوسرے مرحلہ کی طرف) پلٹتے اور جانچتے رہتے ہیں، پس ہم نے اسے (ترتیب سے) سننے والا (پھر) دیکھنے والا بنایا ہے۔

یعنی تخلیقِ انسانی کےجوہرِ اصلی کو قرآنِ مجید نطفۂ امشاج سے تعبیر کررہا ہے جس کا مطلب ہے کہ ایک مخلوط نطفہ سے اس انسان کی تخلیق وجود میں آئی ہے۔اس مخلوط نطفہ کی مزید تفصیل بیان کرتے ہوئے قرآن ِ مجید ایک اور مقام پر ارشاد فرماتا ہے:

فَلْینْظُرِ الْاِنْسَانُ مِمَّ خُلِقَ5خُلِقَ مِنْ مَّاۗءٍ دَافِقٍ6 یخْرُجُ مِنْۢ بَینِ الصُّلْبِ وَالتَّرَاۗیبِ73
پس انسان کو غور (و تحقیق) کرنا چاہیے کہ وہ کس چیز سے پیدا کیا گیا ہے۔وہ قوت سے اچھلنے والے پانی (یعنی قوی اور متحرک مادۂ تولید) میں سے پیدا کیا گیا ہے۔جو پیٹھ اور کولہے کی ہڈیوں کے درمیان (پیڑو کے حلقہ میں) سے گزر کر باہر نکلتا ہے۔

اس آیتِ کریمہ میں اللہ تبارک وتعالیٰ نے ماقبل مذکور نطفۂ امشاج کی تفصیل بیان فرمائی ہے جو ترجمہ سے واضح ہے۔اس سے معلوم یہ ہوا کہ انسان کی تخلیق اس پانی سے ہوئی جس کو عرف ِ عام میں مادّہ تولید کہا جاتا ہے۔یہی وہ پانی ہے جس سے نسلِ انسانی کی بقاء و نشو نما ہوتی ہے اور اسی پانی کی قوت و طاقت کی بنا پر والد ومولود کی قوت و طاقت کا انحصار ہوتا ہے۔

رسولِ اکرم sym-1کی جوہری تخلیق

رسول اکرم sym-1 بھی حضرت آدمsym-9 کی اولاد میں سے ہیں جس کا لازمی مطلب یہ ہے کہ آپ sym-1 بھی بشر ہیں لیکن اس کے ساتھ ساتھ آپ sym-1 چونکہ ایسے بشر ہیں جس پر وحی کی جاتی ہے4تو اس وصف سے اتصاف کا تقاضہ ہی یہ ہے کہ آپ sym-1 عام بشر تو درکنار اخصّ الخوّاص بشری جماعت کے فرد ہیں اور وہ بھی اعلیٰ و افضل ترین، ایسے کہ جن سے بڑھ کر کسی پر بھی عطاء خداوندی وانعامِ ایزدی نہیں ہوئی اور نہ ہوگی۔5

خواہ کوئی بھی معاملہ ہو اللہ تبارک وتعالیٰ نے رسول اکرم sym-1کو ہر لحاظ سے منفرد مقام عطا فرمایا ہے اور اس کی جھلک اور ملاحظہ کے لیے اتنا کافی ہے کہ اللہ تبارک وتعالیٰ نے قرآن کریم میں اپنےآخری رسول sym-1 کا ذکر کرتے ہوئے ہمیشہ صفاتی ناموں سے مخاطب فرمایا ہے کہیں بھی براہ راست نام لے کر مخاطب نہیں فرمایا ۔یہی وجہ ہے کہ اللہ تبارک وتعالیٰ نے ابتداء ِ آفرینش ہی سے آپ sym-1 کی جوہری تخلیق بھی نمایاں انداز سے فرمائی ہےچنانچہ مروی ہے:

عن كعب الاحبارقال لما اراد اللّٰه تعالٰى ان یخلق محمدًاصلى اللّٰه علیه وسلم امر جبریل ان یا تیه فاتاہ بالقبضة البیضاء التى ھى موضع قبررسول اللّٰه صلى اللّٰه علیه وسلم فعجنت بماء التسنیم ثم غمست فى انھار الجنة وطیف بھا فى السموات والارض فعرفت الملائكة محمدًا وفضله قبل ان تعرف آدم ثم كان نور محمد صلى اللّٰه علیه وسلم یرٰى فى غُرة جبھة آدم وقیل له یاآدم ھذا سید ولدك من الانبیاء والمرسلین فلما حملت حواء بشیث انتقل عن آدم الى حواء وكانت تلد فى بطن ولیدین الا شیثا فانھا ولدته وحده كرامة لمحمد صلى اللّٰه علیه وسلم ثم لم ینزل ینتقل من طاھر الى طاھر الى ان ولد صلى اللّٰه علیه وسلم.6
کعب احبار sym-5نے فرمایا کہ جب اللہ تعالیٰ نے(سیدنا) محمد ( sym-1) کو پیدا کرنے کا ارادہ فرمایا توحضرت جبرئیل امین sym-9 کو حکم دیا کہ ایسی مٹی میرے پاس لے آؤ( جو میرے محبوب پاک کے جسم اقدس اور جسد اطہر کی ایجاد و تخلیق کے لائق ہو )تو وہ سفید مٹی کی ایک مٹھی روضہ اطہر والی جگہ سے لے کر بارگاہِ خداوندی میں حاضر ہوئے تو (امر خداوندی سے) اس کو تسنیم کے پانی سے گوندھا گیا،جنت کی نہروں میں اس کو دھویا گیا پھر (نورِ نبوت اس میں رکھ کر) اس کو آسمانوں اور زمینوں میں پھرایا گیا ۔تب ملائکہ نے محمد مصطفیٰ sym-1اور ان کے شرف و فضل کو دریافت کرلیا جبکہ ابھی انہوں نے حضرت آدم sym-9 کو نہ جانا تھا اور نہ پہچانا تھا۔ پھر نور محمدی sym-1 (تخلیق آدم sym-9 کے بعد ان کی پشت میں ودیعت کیا گیا جو کہ) آدم sym-9 کی پیشانی سے جھلکنے والے انوار سے محسوس ہوتا تھا اور ان سے کہا گیا آدم sym-9 یہ تیری نسل میں پیدا ہونے والے انبیاء و مرسلین sym-6 کے سردار ہیں ۔جب حضرت حوّا sym-2 کے بطن اطہر میں حضرت شیث sym-9 منتقل ہوئے تو وہ نور بھی حضرت حوّا sym-6کے بطن اقدس کی طرف منتقل ہوگیا۔ وہ ہر دفعہ دو جڑواں بچوں کو جنم دیتی تھیں ماسوا حضرت شیث sym-9 کے کیونکہ وہ آنحضرت sym-1کے جدّ امجد ہونے کی برکت سے تنہا پیدا ہوئے (اور سب بھائیوں سے مرتبہ و کمال کے لحاظ سے یکتا بنے) پھر نبی الانبیاء sym-1 کا نورِ انور یکے بعد دیگر ے پاک پشتوں اور پاک رحموں میں منتقل ہوتا رہا یہاں تک کہ آپ sym-1 کی ولادت باسعادت ہوئی۔7

مذکورہ روایت سے واضح ہوجا تا ہے کہ نبی اکرم sym-1کی جوہری تخلیق نمایاں انداز سے ہوئی ہے اور اس کا تقاضہ یہ ہے کہ آپsym-1 کا پیکرِ انور لطافت کے اعلی ترین درجہ پر ہو ۔یہی وجہ ہے کہ آپ sym-1کا جسم اطہر انتہائی لطیف تھا اور جسمِ اقدس کی لطافت کی بنا پر آپ sym-1کا سایہ ہی نہیں تھا 8 کیونکہ لطافت و نورانیت کا کوئی جسم ہی نہیں ہوتا 9تو سایہ کیونکر ممکن ہو۔اس کی مزید تفصیل "جواھر البحار"10 میں دیکھی جاسکتی ہے۔11 بہر کیف مذکورہ بالا کلام سے واضح ہوجاتا ہے کہ نبی اکرم sym-1سر تاپا "اخصّ الخوّاص" ہیں اسی وجہ سے آپsym-1 کی رحمِ مادر میں منتقلی اور پھر اس میں آپsym-1کی تخلیق بھی نمایاں انداز سے کی گئی تھی ۔ 12

آپ sym-1کا پاکیزہ مادّہ تولید

جب آپ sym-1کی جوہری تخلیق بھی نمایاں ہوئی ہے اور پھر رحم مادر میں منتقلی اور ا س میں پرورش بھی نمایاں رہی تواسی طرح جس نطفۂ مبارک سے حضور نبی کریمsym-1کا جسدِ اقدس معرض ِ وجود میں آیا وہ بھی طاہر تھا۔چنانچہ علماء سیر نے اس بات کو وضاحت کے ساتھ لکھا ہے کہ آپ sym-1جس نطفۂ مبارک سے خلق ہوئےوہ بھی پاکیزہ و مطہر تھا۔چنانچہ شیخ یوسف بن اسماعیل نبھانی sym-4عارف باللہ امام صاوی sym-4کے حوالہ سے رقمطراز ہیں کہ انہوں نے ایک درود شریف میں مذکور لفظ طاھر کی تشریح کرتے ہوئے فرمایا ہے:

معنى الطاھر المنزة عن الادناس الحسیة والمعنویة وقد نص العلماء على طھارة النطفة التى تكون منھا المصطفى صلى اللّٰه علیه وسلم واخرجوھا عن الخلاف الذى فى طھارة المنى كما ان جسده الشریف طاھر بعد الموت بالاجماع كاجساد الانبیاء فھم مستثنون من الخلاف فى طھارة الآدمى بعد الموت ونصوا على طھارة جمیع فضلاتھم الخارجة منھم فى الحیاة وبعد الممات.13
"الطاھر" کا معنی یہ ہے کہ آپ sym-1حسی اور معنوی ہر قسم کے میل اور نجاست سے منزہ و پاک تھے۔ حضرات علماء کرام نے اس پر نص فرمائی ہے کہ آپ sym-1جس نطفہ سے پیدا کیے گئے، وہ پاک تھا اور علماء نے منی کے پاک یا پلید ہونے کے اختلاف سے اُس نطفۂ مبارکہ کو مستثنی رکھا ہے(یعنی کہ یہ نطفۂ مبارکہ بالاتفاق پاک ہے)۔ پھر آپ sym-1کا جسد اطہر انتقال کے بعد بھی بالا جماع طاہر ہےجیسا تمام انبیاء کرام کے اجسام پاک طاہر ہوتے ہیں۔ علماء میں جو یہ اختلاف ہے کہ عام آدمی کا جسم مرنے کے بعد پاک ہوتا ہے یا نہیں؟ اس اختلاف سے حضرات انبیاء کرام کے اجسام عالیہ مستثنیٰ ہیں۔ (یعنی بالاتفاق والا جماع یہ پاک ہیں) علماء نے یہ بھی بطور نص فرمایا ہے کہ تمام انبیاء کرام کے جسم سے خارج ہونے والے فضلات بھی طاہر ہیں خواہ وہ زندگی میں خارج ہونے والے ہوں یا بعد ازوصال۔ 14

اس عبارت سے واضح ہوجاتا ہے کہ نبی اکرم sym-1جس نطفۂ مبارک سے تولد ہوئے وہ بھی پاکیزہ تھا اور اسی طرح یہ بھی واضح ہوا کہ آپ sym-1 کے تمام تر فضلات بھی پاکیزہ طاہر ہیں جس میں آپ sym-1 کا مادّہ تولید بھی شامل ہے ۔

آپ sym-1کے مادّہ تولید کی قوّت

انسان کی جسمانی قوّت و طاقت کا دار ومدار ایک لحاظ سے اس کے مادّہ تولید پر بھی منحصرہوتا ہے اور یہ عام مشاہدہ ہے کہ طاقتور والد کا مولود بھی طاقتور ہوتا ہے ۔طبی لحاظ سے بھی یہ مسلمہ بات ہے کہ والد کے خصائل و عادات کا پرتو اس کے مولود پر پڑتا ہےوالد کے مادّہ تولید کی وجہ سے ۔رسولِ اکرمsym-1 کی قوت و طاقت کا اندازہ لگانے کے لیے کئی واقعات کتبِ سیرمیں منقول ہیں جس میں مکّہ کے مشہور طاقتور " رکانہ" ا ور "ابوالاسود جمعی"پہلوانوں کو شکست دینا شامل ہیں۔15 اسی طرح خندق کے موقع پر بھوک کی شدت میں انتہائی سخت ترین چٹان کو ایک کدال مار کر ریزہ ریزہ کردینے16سے بھی اندازہ ہوتا ہے کہ آپ sym-1کی جسمانی قوت بے انتہاء تھی اور اسی سے آپsym-1کے مادّہ تولید کی قوت و طاقت کا اندازہ بھی لگایا جا سکتا ہے۔اسی طرح آپ sym-1کے مادّہ تولید کی قوت کےبارے میں ایک روایت میں آپsym-1کا درجِ ذیل فرمان مروی ہے:

أعطیت قوة أربعین فى البطش وانكاح.17
مجھے (یعنی رسولِ اکرم sym-1کو)گرفت اور نکاح کے سلسلے میں چالیس(جنتی)مردوں کی قوت عطا کی گئی ہے۔

اس کی مزید توضیح اس روایت سے ہوجاتی ہے جس میں منقول ہے کہ ایک جنتی مرد کی طاقت دنیاوی کئ مردوں کے برابر ہے۔چنانچہ اس حوالہ سےروایت میں منقول ہے:

قال رسول اللّٰه صلى اللّٰه علیه وسلم :إن الرجل من أھل الجنة لیعطى قوة مائة رجل فى الأكل والشرب والجماع والشھوة.18
رسول اللہ sym-1نے ارشاد فرمایا:بلا شبہ جنتی مرد کو کھانے، پینے،صحبت اور شہوت کے سلسلے میں (دنیاوی)سو مردوں جیسی طاقت عطا کی جائیگی۔

اس روایت سے بخوبی واضح ہوجاتا ہے کہ نبی اکرم sym-1 کی جسمانی طاقت اور قوّت باہ دنیاوی چار ہزار آدمیوں کے برابر تھی اور یہ صرف آپ sym-1کا امتیاز تھا۔ اس کے باوجود آپ sym-1عفت وعصمت کے اس کمال پر فائز تھے کہ آپ sym-1نے تقریبا اننچاس سال صرف ایک زوجہ محترمہ ام المؤمنین حضرت سیدتنا خدیجۃ الکبرٰیsym-6کے ساتھ اپنی مکمل جوانی گزاردی۔پھر امت کی تعلیم اور وحیِ الہی کی تبلیغ کی خاطر زندگی کے آخری حصہ میں تقریبا چودہ سال تعلیم وتبلیغ کے مقصد سے آپ sym-1نے کئی نکاح فرمائے۔ایک اور بات جو قابلِ غور ہےوہ یہ کہ نبی اکرم sym-1اپنی زندگی کے آخری ایام میں ازواجِ مطھّرات رضوان اللہ علیھن کے پاس شب باشی بھی فرماتے ، تہجد کے لیے بھی تیار رہتے، پھر فجر کی امامت کے لیے بھی تشریف لاتے تھے ۔19 ان امور سے بھی اندازہ ہوتا ہے کہ نبی اکرم sym-1 جسمانی لحاظ سے اور قوتِ باہ کے لحاظ سے انتہائی طاقتور تھے۔

اواخرِ عمر میں آپ sym-1کے مادّہ تولید کی کیفیت

نبی اکرم sym-1 کی جسمانی طاقت اور قوتِ باہ کا اندازہ ماقبل روایات سے واضح ہوجاتا ہے۔آپ sym-1کی عمر مبارک کے آخری عشرہ میں بھی آپ sym-1کی قوتِ باہ لاثانی تھی جس سے یہ سمجھنے میں کوئی دشواری نہیں ہے کہ آپ sym-1کامادّہ تولید اوائلِ عمر مبارک میں بھی لاثانی تھا۔اس کا اندازہ یوں ہوتا ہے کہ رسول اکرم sym-1کی عمر مبارک کے تقریبا آخری عشرہ میں ام المؤمنین حضرت عائشہ صدیقہ sym-6آپ sym-1کے ساتھ رہی تھیں کیونکہ ام المؤمنین حضرت عائشہ صدیقہ sym-6 ہجرت کے بعد رخصت ہوکر آپ sym-1کے گھر کی زینت بنیں اور اس وقت رسول اکرم sym-1کی عمر مبارک تقریباً 54 سال تھی۔ 20 اس لحاظ سے ام المؤمنین حضرت عائشہ صدیقہ sym-6 کی آپ sym-1کے مادہّ تولید کے بارے میں منقول روایت اسی عشرہ سے تعلق رکھتی ہےجس میں آپ sym-6 فرماتی ہیں:

وإنى لأحكه من ثوب رسول اللّٰه صلى اللّٰه علیه وسلم یابسا بظفرى.21
بلاشبہ میں رسول اللہ sym-1کے مبارک کپڑوں سے(آپ sym-1کے)سوکھے( مادّہ تولیدکو)اپنے ناخنوں سے کھرچتی تھی۔

اب اس روایت کے الفاظ سے واضح ہوجاتا ہے کہ نبی اکرم sym-1کا مادّہ تولید آپ sym-1کی آخری عمر مبارک میں بھی اتنا گاڑھا اور توانا تھا کہ ام المؤمنین عائشہ صدیقہ sym-6 اس کو اپنے ناخنوں سے کھرچتی تھیں۔اب قارئین خود اندازہ لگاسکتے ہیں کہ جو چالیس ہزار مردوں کی قوت والی روایت ما قبل میں مذکور ہوئی ہے وہ یقینی طور پر قطعی علم کا فائدہ دیتی ہے اور ان مذکورہ تمام روایات سے روزِ روشن کی طرح واضح ہوجاتا ہے کہ رسول اکرم sym-1کا مادہ تولید اوائلِ عمر سے اواخر عمر مبارک تک لاثانی اور انتہائی توانا و طاقتور تھا۔

مستشرقین کا اعتراض اور اس کا جواب

اس موضوع پر گوہر فشانی کی وجہ یہ بنی کہ رسول اکرم sym-1کی پاکیزہ و منزہ سیرت ِ طیبہ پر کئی طرح کے بے بنیادالزامات لگائے گئے ہیں جن کی فی الواقع علمی جہاں میں کوئی حیثیت نہیں ہے۔اسی طرح کا ایک سوال آپ sym-1کی بے عیب او ربے داغ شخصیت پر یوں کیا گیا ہے کہ آپ sym-1کی آخری عمر مبارک میں اولاد نہ ہونا اس بات کی نشاندہی کرتا ہے کہ آپ sym-1اس عمر میں آکر اولاد کو حاصل کرنے کی قوت سے (العیاذ باللہ)تہی دست ہوگئے تھےحالانکہ نبی اکرم sym-1 کی قوت و طاقت اواخرِ عمر میں بھی اسی طرح اپنے بامِ عروج پر تھی جس طرح کہ اوئلِ عمر میں تھی جس کا تفصیلی ذکر ما قبل کے اوراق میں واضح کردیاگیا ہے اور اس کا قطعی ثبوت یہ ہے کہ نبی اکرم sym-1کی سب سے آخری اولاد یعنی حضرت ابراہیم بن رسول اللہ sym-1سن آٹھ ہجری میں متولد ہوئے جس وقت نبی اکرم sym-1کی عمر مبارک تقریبًا ساٹھ سال تھی۔ 22

اب قارئین کرام ان جیسے سوالات کی حیثیت سے بخوبی آشنا ہوگئے ہوں گے کہ اس طرح مستشرقین آپ sym-1کی سیرت سے لوگوں کو متنفر کرنے کے لیے ایسے بد دیانتی پر مشتمل سوالات اٹھاتے ہیں تا کہ لوگ رسول اکرم sym-1کی بے داغ سیرت طیبہ کو پڑھ کر آپ sym-1کے لائے ہوئے پیغام کو قبول نہ کرلیں لیکن ہر دور میں ان جیسے اعتراضات کا علمی و دیانت داری پر مشتمل جواب دیا جاتا رہا ہے اور دیا جاتا رہیگا۔(ان شاء اللہ )

اگر بالفرض حضرت ابراہیم بن رسو ل اللہ sym-1متولد نہ بھی ہوتے تب بھی اس میں کوئی مضائقہ والی بات نہ تھی کیونکہ قوت باہ کی توانائی اور طاقت کا اظہار صرف اولاد کہ نہ ہونے سے نہیں ہوتا ۔یہ تو مشاہداتی بات ہے کہ کتنے ہی تنو مند افرادکے ہاں اولاد نہیں ہوتی اور کتنے ہی نا تواں افراد کے ہاں اولاد کی نعمت میسر آجاتی ہے تو اس کا مطلب یہ ہے کہ اولاد کا ہونا نہ ہونا یہ مشیتِ باری پر منحصر ہے اس کا قوت باہ سےاصلًا کوئی تعلق نہیں ہے۔

خلاصۂ کلام

اس تمام تر گفتگو کو سمجھنے کے بعد ایک بات کی طرف توجہ کرنا انتہائی لازم ہے اور وہ یہ ہے کہ انسانی جسم اپنی بقاء کے لیے خوردونوش کا محتاج ہوتا ہے کہ اس کے بغیر انسان کی زندگی موت بن جاتی ہے۔لیکن رسول اکرم sym-1کے صومِ وصال 23 سے یہ بات واضح ہوجاتی ہے کہ نبی اکرم sym-1کامل بشر ہیں جو بے نظیر ہیں 24 اور آپ sym-1کو دنیاوی کھانوں اور مشروبات کی اس طرح حاجت نہیں جس طرح دیگر افرادِ انسانی کو ہے۔اس سے جہاں آپ sym-1کی اعلی و منفرد بشریت کی طرف اشارہ ملتا ہے وہاں یہ بات بھی سمجھ آجاتی ہے کہ آپ sym-1کا جسم اطہر تمام نوع ِانسانی کے افراد سے منفرد و ممتاز ہے ۔یہی وجہ ہے کہ آپ sym-1کے شکم مبارک میں پہنچنے والی غذاء بجائے کثافت وغلاظت کے لطافت و طہارت کا نمونہ بن جاتی تھی اور جائے استراحت پر خوشبو کے علاوہ کسی چیز کا نشان موجود نہیں ہوتا تھا۔ 25 اس شکمِ مبارک میں سے ہوکر کچھ غذا مبارک خون اور کچھ مبارک مادّہ تولید میں تبدیل ہوجایا کرتی تھی۔ان تمام باتوں سے سمجھانا مقصود یہ ہے کہ نبی اکرم sym-1کا مادّہ تولید بھی آپ sym-1کے باقی فضلاتِ مبارکہ کی طرح تھا جس میں طہارت و لطافت و قوّت و انفرادیت تمام کمالات بدرجہ اتم موجود تھےاور حضرت عائشہ صدیقہ sym-6 کا آپ sym-1کے مادّہ تولید کو کھرچنا ، ناپاکی کی وجہ سےنہیں تھا کیونکہ آپ sym-1کےتمام فضلات مبارکہ کی پاکی پر اجماع ہے26 بلکہ آپ sym-1کے اس حکم کی تعمیل تھی جو آپ sym-1نے صرف تربیتِ امت اور احکام شریعت پہنچانے کے لیےدیا تھا اور ایسا کیوں نہ ہوتا کہ انبیاء کرام sym-7کے اجسام تو جنتی اجسام کی طرح ہی بنائےگئے ہیں 27 جن میں رسول اکرم sym-1سید الاوّلین والاخرین کے مقام پر جلوہ افروز ہیں۔ 28


  • 1  القرآن، سورۃ النساء1:4
  • 2  القرآن، سورۃالدھر2:76
  • 3  القرآن، سورۃالطارق86 :7-5
  • 4  القرآن، سورۃالکھف110:18
  • 5  ابو عبد اللہ احمد بن محمد الشیبانی، مسند الامام احمد بن حنبل، حدیث:2742، ج-4، مطبوعۃ: مؤسسۃ الرسالۃ، بیروت، لبنان، 2001ء، ص:472
  • 6  ابو الفرج عبد الرحمن بن الجوزی، الوفا باحوال المصطفیٰﷺ، ج-1، مطبوعۃ:المؤسسۃ السعیدیۃ، الریاض، السعودیۃ، (لیس التاریخ موجودًا)، ص:70
  • 7  ابو الفرج عبد الرحمن بن الجوزی، الوفا باحوال المصطفیٰﷺ(مترجم:علامہ محمد اشرف سیالوی)، مطبوعہ:حامد اینڈ کمپنی، لاہور، پاکستان، 2002ء، ص:49
  • 8  قاضى عياض بن موسى مالكى، الشفا بتعريف حقوق المصطفىﷺ، ج-1، مطبوعۃ:دار الفیحاء، عمان، 1407ھ، ص:731
  • 9  نور الدین علی بن سلطان القاری، شرح الشفا، ج-1، مطبوعۃ: دار الکتب العلمیۃ، بیروت، لبنان، 1421ھ ، ص: 755
  • 10  شيخ يوسف بن اسماعيل نبهانى، جواهر البحار فى فضائل النبی المختارﷺ، ج-3، مطبوعۃ: دار الکتب العلمیۃ، بیروت، لبنان، 2010ء، ص:41-44
  • 11  رسول اکرمﷺ کی جسمانی لطافت کا اندازہ آپﷺ کے صفاتی نام "مصطفیﷺ"سے بھی ہوجاتا ہے۔لفظ مصطفیٰ کا مادہ صفو یا صفا ہے جس کے معنی ہیں خلوص الشئی من الشوب (کسی شئے کا ملاوٹ سے بالکل پاک ہونا ) الصفا کا معنی الحجارة الصافیة (صاف ستھرا پتھر) کیا جاتا ہے اس سے الاصفاء ہے جس کے معنی استصفاء (تناول الصفو/ تناول صفو الشئی کسی شے کی انتہائی صاف حالت کو حاصل کرنا) کے ہیں جیسے الاختیار کے معنی تناول خیرالشئی کے آتے ہیں۔ یہاں ایک اہم نکتہ قابل توجہ ہے۔ وہ یہ کہ لفظ مصطفی ٰ کا معنی منتخب اور اصطفاء کا معنی بھی منتخب کرنا ہے۔ لغت میں اجتباء کے بھی یہی معنی آتے ہیں۔ اس لحاظ سے مصطفی ٰاور مجتبیٰ کو بالعموم ہم معنی اور مترادف تصور کیا جاتا ہے مگر فی الحقیقت دونوں میں نہایت ہی لطیف فرق ہے جو ہم یہاں واضح کرنا چاہتے ہیں۔اجتباء اللہ العبد: کا معنی ہے" تخصیصہ ایاہ بفیض الہی یتحصل لہ بلا سعی العبد ( کسی شخص کو اس فیضان الٰہی کی بنا پر بطور خاص چن لینا جو بندے کی کوشش اور کسب کے بغیر ہو) اجتباء میں بندہ بغیر کسب کے اللہ تعالیٰ کی طرف سے خصوصی فیضان کی بنا پر منتخب کیا جاتا ہے اس انتخاب میں بھی عطا محض اور وہب خالصکار فرما ہوتی ہے مگر یہ انتخاب بندے کی زندگی میں کسی وقت بھی ہوسکتا ہے ضروری نہیں کہ شروع سے ہی ہو۔اس کے برعکس اصطفاء میں انتخاب تخلیق کے وقت سے ہی عمل میں آجاتا ہے۔اصطفاء اللہ العبد: کا معنی ہے۔ ایجادہ ایاہ صافیا عن الشوب الموجد فی غیرہ (کسی کو بوقت تخلیق ہی ہر اس قسم کی میل اور ملاوٹ سے پاک کردینا جو دوسروں میں پائی جاتی ہے)۔اصطفاء میں بھی انتخاب اور چناؤ بندے کے کسب اور کوشش کے بغیر محض وہب الٰہی کے طور پر ہوتا ہے مگر یہ بعد میں کسی وقت نہیں بلکہ تخلیق اور ایجاد کے وقت سے ہی ہوجاتا ہے۔ اس لیے اسے بوقت تخلیق ہی ہر قسم کے میل اور کثافت سے پاک و صاف کرلیا جاتا ہے اور وہ پیکر جب معرض وجود میں آتا ہے تو پہلے ہی سے ہر کثافت سے مصفی، ہر میل سے مزکی اور ہر عیب سے منزہ ہوتا ہے کیونکہ اس کی تخلیق ہی پیکر صفا کے طور پر ہوتی ہے، اس لیے اسے مصطفیٰ کہا جاتا ہے اور یہ اصطفا اور انتخاب وقت ایجاد ہی سے ہو چکا ہوتا ہے۔ یہی وجہ ہے کہ جب حضور نبی اکرمﷺکا خمیر بشریت تیار ہوا تو اسے پہلے ہی سے صفو یعنی صفائی،نظافت، اور لطافت کے اس مقام بلند تک پہنچا دیا گیا تھا کہ عالم خلق میں اس کی کوئی نظیر اور مثال نہ تھی بلکہ ملائکہ اور ارواح کو جو صفاء ، لطافت، تزکیہ اور نظافت اپنی نورانیت کے باعث نصیب ہوتی ہے وہ سب کچھ حضور ﷺ کے پیکر بشریت ہی کو عطا کردیا گیا۔ یہ آپﷺ کے مقام اصطفاء کا بنیادی تقاضا تھا۔بنا بریں ہمارا لعاب، پسینہ خون اور فضلات وغیرہ جو جسمانی کثافتوں کے باعث غلیظ، ناپاک یا بیماری کا باعث ہوتے ہیں، حضور ﷺ کے جسد اطہر کے لیے انھیں بھی پاک اور معطر بلکہ باعثِ شفا بنا دیا گیا جیسا کہ متعدد کتب حدیث و فضائل سے ثابت ہے۔( ڈاکٹر محمد طاہر القادری، انسان اور کائنات کی تخلیق و ارتقاء،مطبوعہ:منہاج القرآن پبلیکشنز،لاہور، پاکستان، 1991ء،ص:30-29)
  • 12  شيخ احمد بن محمد القسطلانى، المواهب اللدنية بالمنح المحمدية، ج-1، مطبوعة: المكتبة التوفيقية، القاهرة، مصر، (ليس التاريخ موجودًا)، ص: 73
  • 13  شيخ يوسف بن اسماعيل نبهانى، جواهر البحار فى فضائل النبی المختارﷺ، ج-3، مطبوعۃ: دار الکتب العلمیۃ، بیروت، لبنان، 2010ء، ص:54
  • 14  علامہ محمد یوسف بن اسمعیل نبہانی، فضائل النبیﷺ(مترجم: مولانا احمد دین توگیروی)، مطبوعہ: ضیاء القرآن پبلی کیشنز، لاہور، پاکستان،2008ء،ص:92
  • 15  شيخ احمد بن محد القسطلانى، المواهب اللدنية بالمنح المحدية، ج-2، مطبوعة: المكتبة التوفيقية، القاهرة، مصر، (ليس التاريخ موجودًا)، ص: 132-134
  • 16  ولی الدین محمد بن عبد اللہ تبریزی، مشکاۃ المصابیح، حدیث:5877، ج-3، مطبوعۃ:المکتبۃ الاسلامی، بیروت، لبنان، 1985ء،ص:1645
  • 17  ابو القاسم سلیمان بن احمد الطبرانی، المعجم الاوسط، حدیث:567، ج-1، مطبوعۃ:دار الحرمین، القاھرۃ، مصر، (لیس التاریخ موجودًا)، ص:178
  • 18  ابو محمد عبد اللہ بن عبد الرحمٰن السمر قندی، سنن دارمی، حدیث: 2867، ج-3، مطبوعۃ:دار المغنی للنشر والتوزیع، الریاض،السعودیۃ، 2000ء، ص:1865
  • 19  مسلم بن حجاج القشیری، صحیح مسلم، حدیث:289، مطبوعۃ:دار السلام للنشر والتوزیع، الریاض، السعودیۃ، 2000ء، ص:135
  • 20  محمد بن اسماعیل بخاری، صحیح البخاری، حدیث:3896، ج-5، مطبوعۃ: دار طوق النجاۃ، مصر، 1422ھ، ص:56
  • 21  مسلم بن حجاج القشیری، صحیح مسلم، حدیث:290، مطبوعۃ:دار السلام للنشر والتوزیع، الریاض، السعودیۃ، 2000ء، ص:135
  • 22  محمد بن ابی بکر بن ایوب ابن جوزیۃ، زاد المعاد فی ھدی خیر العبادﷺ، ج-1، مطبوعۃ: مؤسسۃ الرسالۃ، بیروت، لبنان، 1994ء، ص:101
  • 23  ابو عوانۃ یعقوب بن اسحاق السفرایینی، مستخرج ابی عوانۃ،حدیث: 2792، ج-2، مطبوعۃ: دار المعرفۃ، بیروت، لبنان، 1998ء، ص:187
  • 24  محمد بن اسماعیل بخاری، صحیح البخاری، حدیث:6851، ج-8، مطبوعۃ: دار طوق النجاۃ، مصر،1422ھ، ص:174
  • 25  احمد بن علی بن حجر العسقلانی، الاصابۃ فی تمییز الصحابۃ، ج-8، مطبوعۃ:دار الکتب العلمیۃ، بیروت، لبنان، 1415ھ، ص:308
  • 26  محمد امین الشھیر بابن عابدین، ردالمحتار علی الدر المختار، ج-1، مطبوعۃ: دارالکتب العلمیۃ، بیروت، لبنان، 2011ء، ص:522-523
  • 27  احمد بن علی بن حجر العسقلانی، لسان المیزان، ج-2، مطبوعۃ: مؤسسۃ العلمی للمطبوعات، بیروت،لبنان، 1990ء، ص:135
  • 28  ابو عبد اللہ احمد بن محمد بن الشیبانی، فضائل الصحابۃ، حدیث: 599، ج-1، مطبوعۃ:مؤسسۃ الرسالۃ، بیروت، لبنان، 1983ء، ص:394

Powered by Netsol Online